"सामर्थ्य आहे चळवळीचे.........धर्मपीठ ४४वा सत्संग संपन्न.

 🚩सामर्थ्य आहे चळवळीचे l जो जो करील तयाचे l परंतु तेथे भगवंताचे l अधिष्ठान पाहिजे  ll🚩

    🕉️धर्मपीठ ४४ वा सत्संग संपन्न🕉️

मागील वर्ष दोन वर्षांपासून कोरोना, अतीवृष्टी ,महागाई, बेरोजगारी अशा विविध तापांनी जन ग्रासलेले असताना त्यांचे आत्मिक बल वाढावे,समाजाची आर्थिक, सामाजिक, शैक्षणिक व आध्यात्मिक प्रगती व्हावी या हेतूने सुरु झालेली धर्मपीठाची ही साप्ताहिक चळवळ "सत्संग" ने ४४ आठवडा म्हणजे ११वा महीना पूर्ण केला व १२व्या महीन्यात पदार्पण केले.

 ह.भ.प.कोल्हे महाराजांनी "एक नाम हरि द्वेत नाम दुरी l अद्वैत कुसरी विरळा जाणे "l या हरिपाठातील १५व्या अभंगावर आपले चिंतन केले तर ह.भ.प.कळंब महाराजांनी विष्णूसहस्त्रनामाचे १४वे पुष्प गुंफतांना ईश्वराचे लोकाध्यक्ष,सुराध्यक्ष,धर्माध्यक्ष असे विविध नांवे सांगितली.ह.भ.प. कचरे महाराज,घोंगे महाराज,दिवनाले महाराज ,डॉ. अभिमन्यू टकले यांनी धर्मपीठ सत्संगाच्या ११महिन्याच्या वाटचालीवर भाष्य केले .

सौ.शारदाताई ढोमणे,प्रज्ञाताई पेशवे,प्राप्तीताई चितळकर यांनी आपली गायन सेवा अर्पण केली तर सौ.रेश्माताई ठोंबरे यांनी पसायदान सादर केले.

सत्संगाला ह.भ.प.कोल्हे महाराज, कळंब महाराज, घोंगे महाराज, घोडस्कर महाराज, दिवनाले महाराज, डॉ. अभिमन्यू टकले,ज्ञानेश्वरजी ढोमणे, विनायक काळदाते, प्रा.संजय अघडते,माणिकराव गुलवाडे, प्रा.दिपक माने,शिवगनेश देवकर, बालाजी घूले, प्रमोद भरणे, कैलास सपकाळ, शुभम नरोटे,आर्यन ढवळे,सौ.शारदाताई ढोमणे,रेश्माताई ठोंबरे,श्वेतकेतू ठोंबरे,नंदाताई चाफले प्रमिलाताई फणसे,प्राप्तीताई चितळकर,प्रज्ञाताई पेशवे  उपस्थित होते.सौ.शारदाताई ढोमणे,रिया काळदाते,तुषार कोल्हे यांनी आँनलाईन सत्संगाचे तांत्रिक नियोजन केले.

🕉️🚩🕉️🚩🕉️🚩🕉️🚩🕉️